ಬೋಳು ರಾಮದೇವರ ಬೆಟ್ಟ

ಹೆಚ್ಚು ಎತ್ತರವಿಲ್ಲದ ಆದರೆ ಬೋಳಾದ ಈ ಬೆಟ್ಟ ನನ್ನನು ಚಿಕ್ಕಂದಿನಿಂದಲೂ ಆಕರ್ಷಿಸಿತ್ತು . ತುಮಕೂರು ನಿಂದ ಬೆಂಗಳೂರಿಗೆ ಪಯಣಿಸುವಾಗ, ಈ ಬೆಟ್ಟವು ಕಂಡು ಹತ್ತಬೇಕು ಎಂಬ ಬಯಕೆ ಉಂಟಾಗುತ್ತಿತ್ತು. ಆದರೆ, ಘಳಿಗೆ ಕೂಡಿ ಬಂದಿದು ಕಳೆದ ಫೆಬ್ರವರಿ ೦೧, ೨೦೧೫ ರ ಭಾನುವಾರ. ಅಂದು ಮಧ್ಯಾಹ್ನ ಬೆಂಗಳೂರಿನಿಂದ ಹೊರಟು ದಾಬಸ್ ಪೇಟೆ ಮಾರ್ಗವಾಗಿ (NH4) ನಿಜಗಲ್ ತಲುಪಿದೆ. 

NH4 ನಿಂದಲೇ (ಸರಿಯಾಗಿ ನಿಜಗಲ್ ಬೆಟ್ಟದ ಎದರು) ಈ ಬೆಟ್ಟ ಕಂಡರೂ ಹತ್ತಲು ಸರಿಯಾದ ದಾರಿ ಇರುವುದು ನರಸಿಪುರದ ಕಡೆಯಿಂದ (ದಾಬಸ್ ಪೇಟೆ - ಗೊರವನಹಳ್ಳಿ ರಸ್ತೆ ) ಕಡೆಯಿಂದ. ಆದರೆ ನಾನು ಬೆಟ್ಟ ಹತ್ತಿದ್ದು NH4 ಕಡೆಯಿಂದ.

ನಿಜಗಲ್ ಬೆಟ್ಟದ ಸಮೀಪ ಬಲ ತಿರುವು ಪಡೆದು ಕಿರಿದಾದ ರಸ್ತೆಯಲ್ಲಿ ಚಲಿಸಿ ಬೆಟ್ಟದ ಬುಡ ತಲುಪಿಕೊಂಡೆ. ಈ ರಸ್ತೆ ಸಣ್ಣ ಹಳ್ಳಿಯ ಮುಕಾಂತರ ಹಾದು ದಾಬಸ್ ಪೇಟೆ - ಗೊರವನಹಳ್ಳಿ ರಸ್ತೆಯನ್ನೇ ತಲುಪುತ್ತದೆ. ಹಾಗೆ ಮುಂದೆ ಹೊಗುತ್ತಿರಲು, ಹತ್ತಲು ಸರಿಯಾದ ಮಾರ್ಗ ಕಂಡ ಕೂಡಲೇ ಬೈಕ್ ನಿಲ್ಲಿಸಿ ಬೆಟ್ಟ ಹತ್ತತೊಡಗಿದೆ.

ಬೋಳು ರಾಮದೇವರ ಬೆಟ್ಟ (ನಾನು ಬಲಗಡೆಯಿಂದ ಎಡಕ್ಕೆ ಹತ್ತಿದ್ದು )

Tommy Caldwell ಮತ್ತು Kevin Jorgeson ರ ಡಾನ್ ವಾಲ್ climb ಅನ್ನು ಕಂಡು ಮೆಚಿದ್ದ ನಾನು ಬಹು ಉತ್ಸಾಹ ದಿಂದಲೇ ಬೆಟ್ಟವನ್ನು ಏರತೊಡಗಿದೆ. ಆದರೆ ನಿರ್ಜನವಾಗಿದ್ದ  ಬೆಟ್ಟದಲ್ಲಿ ಕರಡಿಗಳಿರಬಹುದೇ ಎಂಬ ಭಯ ಕಾಡತೊಡಗಿತ್ತು. ಜಾಗರೂಕನಾಗಿ ಬೆಟ್ಟವನ್ನು ಹತ್ತುತ್ತಿದ್ದೆ. ಆದರೆ ಕಣ್ಣಿಗೆ ಬಿದ್ದದು ಮಾತ್ರ ಕೆಲವು ಹಕ್ಕಿಗಳು, ಮಿಡತೆಗಳು, ಚಿಟ್ಟೆಗಳು ಹಾಗು ಒನ್ನೇ ಕ್ಯಾತಗಳು. 

ಬೆಟ್ಟದ ಕೊನೆಯ ಕಾಲು ಭಾಗ ಕಡಿದಾಗಿದೆ . ಜಾಗರೂಕರಾಗಿ ಬೆಟ್ಟವನ್ನು ಹತ್ತಬೇಕು . ಬೆಟ್ಟದ ಮೇಲೆ ಆತ್ಮಾರಾಮ ದೇವರ ಗುಡಿಯಿದೆ.

ಆತ್ಮಾರಾಮ ದೇವರ ಗುಡಿ

ಆತ್ಮಾರಾಮ ದೇವರ ಗುಡಿ ಸಮುಚ್ಚಯ

ಏಕಾಂತವನ್ನು ಬಯಸುವವರಿಗೆ , ಪಕ್ಷಿ ವೀಕ್ಷಕರಿಗೆ ಹಾಗು rock climbers ಗೆ ಈ ಬೆಟ್ಟ ಹೇಳಿ ಮಾಡಿಸಿದ ಜಾಗ.